2024-06-28
თედო კილაძე ეკონომიკის ოლიმპიადის ეროვნული რაუნდის გამარჯვებულია - 28.06
ეროვნული რაუნდის ტესტირებაში 161 მოსწავლემ მიიღო მონაწილეობა ქვეყნის სხვადასხვა რეგიონიდან.
ტესტირების შედეგებით გამოვლინდა 11 გამარჯვებული, რომლებიც მონაწილეობას მიიღებენ ეკონომიკის ოლიმპიადის საერთაშორისო საზაფხულო ბანაკში.
ბანაკი 5 აგვისტოდან დაიწყება და ჩატარდება ბაზალეთზე, თავისუფალი უნივერსიტეტის ტრენინგ ცენტრში.
ბანაკის შემდგომ გამოვლინდება 5 გამარჯვებული მოსწავლე რომლებიც მონაწილეობას მიიღებენ საერთაშორისო ფინალურ რაუნდზე საბერძნეთში.
გარდა მოსწავლეების დაჯილდოვებისა, ეროვნული რაუნდის ფარგლებში გამოვლინდა 3 მასწავლებელი, რომლებიც დასაჩუქრდნენ პლანშეტებით. მათ შორის არის ეროვნული რაუნდის აქტიური კოორდინატორი ნანა კუპრეიშვილი, ქართულ-ამერიკული საერთაშორისო სკოლა პროგრესიდან.