სწავლა პროგრესში

პროგრესელები ფორმალური განათლების პარალელურად არაფორმალური ცოდნისა და უნარების დაგროვებას სხვადასხვა კლუბებისა და პროექტების მეშვეობით ახერხებენ.

პროგრესში არაფორმალური განათლების ცალკე მიმართულებად ჩამოყალიბება 2016 წელს, სამოქალაქო განათლების კლუბის დაფუძნებით დაიწყო. დღეს კი სამივე სკოლის მასშტაბით, მოსწავლის ინტერესებსა და საჭიროებებზე ორიენტირებული 20-მდე სახეობის კლუბი ფუნქციონირებს, მათ შორის რამდენიმე ასაკობრივი კატეგორიის ჯგუფია გამოყოფილი.

კლუბების საქმიანობა სრულად არის სინქრონიზებული სამივე ქალაქში.

სკოლა, როგორც წარმატებული საგანმანათლებლო ბიზნეს ორგანიზაცია, მოსწავლეებში პირველი კლასიდანვე უწყობს ხელს პროგრამირების, რობოტიკის, ბიზნესის, STEM-ისა და მეწარმეობის უნარ-ჩვებების განვითარებას. პროგრამები მოიცავს როგორც თეორიულ, ასევე, პრაქტიკული სწავლების კურსებს. მოსწავლეები, მეცნიერების გამოყენებით, ქმნიან რეალური პრობლემების მოგვარებაზე ორიენტირებულ პროექტებს, პროგრამებსა და პროდუქტებს. ეცნობიან სხვადასხვა ბიზნეს დაწესებულების მუშაობას, მონაწილეობენ კონკურსებში, აწყობენ საკუთარი სამეწარმეო პროდუქტის გამოფენა-გაყიდვას. 

პროგრესში არაფორმალური განათლება საგაკვეთილო პროცესის ნაწილია. თეორიასთან ერთად, მოსწავლეს უვითარდება პრაქტიკული უნარ-ჩვევები. არაფორმალური აქტივობები მას ეხმარება შესაძლებლობებისა და ინტერესების უკეთ წარმოჩენაში, მომავალი მიზნების დასახვასა და უწყვეტ წინსვლაში. ამასთან ერთად, მოზარდს უვითარებს გონებრივ და ფიზიკურ უნარ-ჩვევებს, აძლევს საჭირო ცოდნას, უმკვიდრებს ჯანსაღი ცხოვრების წესს, უყალიბებს ლიბერალურ და დემოკრატიულ ღირებულებებზე დამყარებულ სამოქალაქო ცნობიერებას და ეხმარება მას ოჯახის, საზოგადოებისა და ქვეყნის წინაშე საკუთარი უფლება-მოვალეობების გაცნობიერებაში.